Uramuga aste honetan jarri da habian «Nafarroa, Euskadi eta Akitania Berriko mugaz gaindiko zonaldeetako uraren zikloa optimizatzeko helburuarekin, bereziki partekatutako saneamendu‑azpiegiturak dauzkaten eremuetan, hala nola Urdazubi‑Ainhoa eta Txingudiko Badia».
Planak zonalde ezberdinetako instalazio partekatuetako konplexutasunari ekiten dio, non ura mugaren albo batean jaso eta bestean arazten den. Hainbat ekintza aurreikusten dira, uraren zikloaren gobernantza eta kudeaketa partekatua hobetzeko, baita lankidetzako saneamendu‑sistemak indartzeko. Mugaz gaindiko lurraldeetan uraren hornikuntza bermatzea ere proposatzen da, jada dauzkagun sareetan hobekuntzak eginez eta hornikuntza partekaturako eta sareen arteko loturarako aukera berriak aztertuz.
Planak guztira 2.357.832 euroko laguntza du, guztira 3.627.435 euroko aurrekontua osatzeko. Txingudiko Zerbitzuak erakundeak, ekimenaren sustatzaileak, 935.835 euro emango ditu eta 608.292 euroko diru‑laguntza jasoko du. Proiektuko buruzagi lanak egiten dituen Nilsa (Navarra de Infraestructuras Locales) elkarte publikoaz gain, Uramugan Berako, Lesakako, Baztango, Urdazubiko eta Luzaideko Udalak, Akitania Berriko Communauté d’Agglomération du Pays Basque erakundea eta Txingudiko Zerbitzuak bera daude.
Proiektua aste honetan hasi da formalki, bereziki pasa den urtarrilaren 1ean, eta 2026ko abenduaren 31era arte irauteko onartuta dago.
