Uramuga proiektua Berako “Europako plazak” ekimenaren markoan aurkeztuko da

Hurrengo asteazkenean, urriaren 23an, Berako Kultur Etxea Europako Plazak ekimenaren eszenatoki izango da, etorkizun bateratu baten eraikuntzan Europako udalerri txikiek duten garrantzia azpimarratu nahi duen ekitaldia hain zuzen. Hitzordua 18:00etan hasiko da eta biztanleek parte hartu ahalko dute.

Ekitaldi honen markoan, Uramuga, Nilsa-k burututako uraren kudeaketarako mugaz gaindiko proiektua, Imanol Sinde‑k aurkeztuko du, Nilsako proiektu‑kudeatzaileak. Aurkezpen horrek Europako Batzordeak eskualdeen garapenerako eta mugaren bi alboetako bizitzaren kalitatea hobetzeko egindako kontribuzioak argituko ditu, hala nola lankidetza eta kohesio‑funts europarren erabilera (Interreg, FEDER, FSE+), baliabide naturalen kudeaketa jasangarri eta kolaboratiboaren garrantzia azpimarratuz.

Ekitaldian ordezkari instituzionalen parte‑hartzea egongo da, hala nola Aitor Elexpuru Egaña, Berako alkatea, Ana Ollo Hualde, Nafarroako Gobernuko bigarren presidenteordea; eta funts europarrei buruzko adituak, hala nola Sergio Pérez, Nafarroako Gobernuko Kanpo Ekintzako Zuzendari orokorra, eta Arola Urdangarín Ferreira, Akitania Berria Euskadi Nafarroa Euroeskualdeko Zuzendaria.

Ekitaldia bertako abeltzain eta ekoizleei egindako elkarrizketarekin amaituko da, baita Bera Kantari musika‑taldearen emanaldiarekin eta “euroaperitibo” batekin, bertaratutakoen arteko interakzioak sustatzeko.